Þar sem að mér finnst svo skemmtilegt að sprella þá skellti ég mér ásamt Þórdísi (slappa Hildur kemur næst) á fimleikaæfingu í kvöld, ójá, Berglind í fimleikum 
Hægt að fara í byrjendatrompfimleika uppi í skóla einu sinni í viku og það væri nú gaman að geta sagst geta gert heljarstökk…. eða jafnvel bara beint handahlaup! Æfingin var rosafín og ég efast ekki um að vakni vel aum á morgun… annars er ég reyndar hálflurkum lamin nú þegar eftir æfingu í gær, puha!
Síðast liðinn laugardag var líka heldur betur sprellað með sömu stúlkum, Hildi og Þórdísi. Tókum þátt í mini adventure race í Árósum, rosagaman og ýmislegt brallað út um allan bæ. Ótrúlega gaman að taka þátt í svona inni í miðri borg, fengum t.d. undarleg augnarráð þegar við komum á harðaspretti upp göngugötuna haldandi á 6 dagblaðahöttum sem við bjuggum til í einni þrautinni !
Team Hekla
Keppnin virkaði þannig að það voru rúmlega 20 þrautir sem hægt var að velja á milli og maður átti að ná eins mörgum stigum og maður gat á 3 ½ tíma. Einhverjir voru með taktík og völdu þær þrautir sem tóku stuttan tíma en gáfu mörg stig. Við hins vegar reyndum að prófa sem flesta hluti sem við ekki höfðum prófað áður… mikið vildi ég samt að keppnin hefði verið svona 5 tímar, áttum svo margt eftir. Alls kyns lið voru mætt, allt frá elítufólki sem var of seint að skrá sig í elítukeppnina til stráklinga í gallabuxum og fjölskylduliða – eitt liðið samanstóð af foreldrum yfir fertugt ásamt um 8 ára dóttur þeirra!
Við afrekuðum að prófa 7 þrautir… fyrsta var valin af keppnishöldurum til að dreifa hópnum. Við fengum “metroaktivitet” – áttum að hlaupa niður að einhverju torgi í bænum (hefði verið gott að þekkja bæinn ennnnn… týndumst nú ekki!), þar beið okkar stafli af dagblöðum. Áttum fyrst að finna 3 auglýsingar í blaðinu og rífa þær úr, næst átti að flytja staflann um 20m vegalengd og raða honum nákvæmlega eins upp og loks búa til 6 dagblaðahatta.
Næst fórum við á fjórhjól… bike´n´run á staðinn (1 hlaupa, 2 hjóla) og svo fórum við allar í gegnum þrautabraut á fjórhjólum, megastuð
Eftir brumm brumm var það kajak. Stutt ferð en púff, við Hildur erum ekki efnilegt róður-team…
“Det brændende hotel” var loksins laust eftir kajakróðurinn svo að við sprettum út götuna, að hótel Ritz, upp á 5.hæð, í klifurbelti, út um gluggann og príl/sig niður samanbundin lök – áttum s.s. að flýja frá brennandi hóteli.
Kajakdrop – eins konar rennibraut út í sjó 
Dagurinn var sýndur beint á TV2 og þessi mynd er algjört gull! Þórdís er hér í viðtali í beinni og hún kom Íslandi vel að: “Hvorfor tror du du kan klare det her” og Þórdís með vott af hneykslissvip “Fordi jeg kommer jo fra Island!!!”
Næst síðasta þrautin sem við náðum var død mur. Afturábak stunga út í sjó af 3m planka, hljómar muuuuuun erfiðara en það er…. eða nei, hehemmm, þetta geta bara professional diverar… okkur gekk erfiðlegast að koma Hildi í gallann sinn, ansi löng fæðing !
Hildur gerði sig klára fyrst… hér vorum við svo filmaðar af einhverri århus sjøonvarpsstöð, væri nú gaman að sjá tökurnar.
Hildur ákvað að nota rassastílinn og gera góða gusu, SPLASSSSSSSS….
…en svo sýndi ég henni hvernig á að gera þetta
Lokaþrautin var svo að byggja brú úr spýtudrumbum og engu öðru og bræuin þurfti að halda okkur – þetta gekk heldur betur illa, maður sem vann á þessari stöð heldur örugglega að það sé ansi lítið milli eyrnanna á okkur
Eftir góðan dag púluðum við Hildur upp endalausar brekkur til Gerðar og Davíðs til að fara í sturtu, hélt það væri bannað að búa upp á svona háum hól í Danmörku, púff… þau voru á leið í teiti svo að eftir snögga sturtu létum við okkur renna niður á lestarstöð og kláruðum að spasla þar. Það gekk þó ekki snuðrulaust fyrir sig að komast þangað því að mér tókst að hrasa um hjólið mitt þegar við stóðum á ljósum… var með risabakpoka á bakinu, datt í slow motion og nánast í afturábak kollhnís og þið getið ímyndað ykkur hvað við hlógum mikið, ætlaði aldrei að geta staðið upp… þessi bylta skyldi eftir sig þennan líka huuuuuges marblett á lærinu, íþróttameiðsl
Skelltum okkur út að borða um kvöldið með Lars, Ragga og vini Lars, heilsuðum upp á nokkra NIH drengi og héldum loks heim á leið um 11-leytið, þreytt og sæl.
Löööööngu kominn háttatími….
